Mucaaradka oo uu hoggaaminayo madaxweynihii hore ee dalka Shariif Sheekh Axmed ayaa caawa kulan casho ah la leh xubnaha labada gole ee Baarlamaanka ku metela beelaha Hawiye.
Sida ay Risaala ka ogaatay ilo muhiim ah, xubnaha shirka ka qayb gelaya ayaa isugu jira mucaarad iyo muxaafid, maadaama kulanku uu yahay wadatashi guud oo mucaaradku la yeelanayo xubnaha labada gole ee Hawiye.
Lama hubo in xubnaha muxaafidka ee aad ugu dhow madaxweynaha hadda talada haya Xasan Sheekh Maxamuud ay kasoo qayb geli doonaan, iyadoo la ogyahay in kulankii odayaasha dhaqanka iyo mucaaradka ee shalay dhacay ay ka baaqdeen odayaasha dhaqanka ee beesha madaxweynaha.
