Wasiirka Howlaha Guud, Dib U Dhiska iyo Guriyeynta ee dowlada Soomaaliya Ayuub Ismaaciil ayaa sheegay in mashaariic hormarineed ay Dowladda Federaalka ay ka fulineyso magaalada Hargeysa.
Ayuub Ismaacil ayaa shirka jaraa’id ee uu qabtay magaalada Muqdisho ayaa sheegay in dowlada Soomaaliya ay ka dhiseyso wadooyin iyo Buundo magaalada Hargeysa ee xarunta maamulka la magac baxay Somaliland.
Wasiirka Howlaha Guud ee dowlada Soomaaliya ayaa sheegay in magaalada Hargeysa ay ka hirgelinayaan waddo dhererkeedu yahay 45km iyo dhismaha buundo ayna ku baxayso lacag gaareysa labaatan malyan oo dollar.
“Magaalada Hargeysa waxaan ka hirgelinaynaa Waddo 45 km wajigeeda koowaadna uu yahay 23 km caasimada hargeysa ama Somaliland iyo dhismaha Buundada Boqol Jire, tana waxay qeyb ka tahay howlaah aan ka wadno dowlad goboleedyada ee ah horumarinta magaalooyinka .”
Wasiirka ayaa sheegay in mashruucan uu yahay NAGAAD ayna qeyb ka yihiin UNOPS iyo Bangiga Adduunka ayna tahay mid ku baxaysa lacag gaareysa 245 Malyan oo dollar.
Sidoo kale wasiirka ayaa sheegay in mashaariic kale oo ah horumarinta wadooyinka ay sidoo kale ka hirgelinayaan dowlad goboleedyada Jubbaland, Koofurgalbeed, Hirshabelle,Puntland ayna haatan ka bilaabayaan Somaliland.
