Maamulaha Arsenal Mikel Arteta ayaa wax laga weydiiyay soo laabashada Bukayo Saka iyadoo Gunners ay ku dhibtooneyso xulashooyinka safka hore.
Saka ayaan u ciyaarin Gunners tan iyo markii uu muruqa ka booday kulankii ay 5-1 kaga badiyeen Crystal Palace bishii December, waxaana jiray warar sheegaya in dib u dhac uu ku yimid xiddiga heerka caalami ee dalka England.
Si kastaba ha ahaatee, Arteta ayaa beeniyay wararkaas, kooxduna waxay rajaynaysaa Saka, oo ku biiray kooxda Arsenal ee xerada tababarka ku qaadanaysa Dubai, uu awoodi doono inuu garoomada ku soo laabto bisha March.
“Dhaawac 10-maalmood ah, saddex maalmood ayaa aad u badan sababtoo ah waa 30 boqolkiiba, seddex bilood gudahood, usbuuca malaha sidaas uma badna, laakiin waa goor hore.”ayuu yiri.
“Wuxuu ku jiraa marxaladaha hore ee baxnaaninta. Marka aan u soo dhawaado wax yar oo uu bilaabo inuu sameeyo waxyaabo badan oo culus, waxaan arki doonaa meesha uu joogo.”
Mar la weydiiyey in Saka uu dib u dhac ku yimid, sida ku cad warbixin wargeysku qoray, Arteta wuxuu ku daray: “Maya, way fiican tahay.”
