Maamulka gobolka Kerala ee India ayaa ku dhawaaqday labo maalmood oo baroor diiq ah kadib markii in ka badan sagaashan qof ay ku dhinteen dhul go’o is xigxiga oo dhawr meelood oo gobolkaas ah ka dhacay. Saraakiisha ayaa sheegay in ku dhawaad ​​boqol qof wali la la’yahay.
Sawirro lagu baahiyay baraha bulshada ayaa muujinaya khadadka tareennada iyo waddooyinka oo biyo qarqiyeen.
Dad badan ayaa laga cabsi qabaa in ay ku go’doonsan yihiin meelaha aysan ciidamada gurmadku weli gaadhin.
Raiisel wasaare, Narendra Modi, ayaa isaguna dhankiisa ballan qaaday in xukuumadda Delhi ay huri doonto dhammaan kaalmada suurtagalka ah.
