Ruben Amorim ayaa xaqiijiyay in Manchester United ay u baahan doonto inay iibiso dhowr ciyaaryahan oo kooxda koowaad ah si ay u hesho saxiixyo cusub xagaagan.
Red Devils ayaa haatan ku jirta kaalinta 13-aad ee kala saraynta horyaalka Premier League, waxana la saadaaliyay in ay la soo saxiixan karaan xiddigo magac weyn leh inta lagu guda jiro suuqa kala iibsiga xagaaga soo socda.
Labada ciyaaryahan ee Sporting CP Geovany Quenda iyo Viktor Gyokeres ayaa si aad ah loola xiriirinayay inay u dhaqaaqayaan Old Trafford dabayaaqada sanadkan, halka Amorim la filayo inuu kooxda keeno ciyaaryahan dhexe oo cusub, iyadoo mustaqbalka Casemiro iyo Christian Eriksen aan la hubin.
Si kastaba ha ahaatee, maamulaha Man Utd ayaa qirtay in kooxdiisu aysan awoodi doonin inay keento saxiixyo cusub haddii aan la iibin kuwa jooga qaar xagaagan.
Kahor kulanka Red Devils’ Premier League ee ay la ciyaarayaan Tottenham Hotspur Axada, Amorim ayaa u sheegay suxufiyiinta: “Halkan way fududahay inaan sameyno saxiix, laakiin waa inaan anaga wax iibino.
Man United ayaa suuqii January la saxiixatay kaliya laba wiil oo dhalinyaro ah, waxaana la rajeynayaa in saxiixyo waaweyn oo magac leh sameeyaan xagaaga.
