Taliyaha Ciidanka Dhulka XDS Gen Sahal Cabdulahi Cumar oo uu wehliyo Taliyaha Howlgalka Turksom Gen Sabhadiin Kalkaan ayaa Maanta Magaalada Muqdisho ugu qeyb galay Munaasabada dhaarinta Guutada 33’aad ee Kumaandooska GorGor.
Munaasabaddan oo aheyd mid muhiim u ah horumarinta iyo dib-u-dhiska Ciidanka Xoogga Dalka Soomaaliyeed ayaa Gen Sahal Cabdulahi Cumar Taliyaha Ciidanka dhulka XDS ayaa Ciidamada la dhaariyay kula dardaarmay Ka dhabeynta dhaarta ey Maanta mareen.
Dhanka kale Taliyaha ayaa Ciidamada cusub kula dardaarmay in ay si dhab ah uga faa’iideystaan tababarka, isagoo ku booriyay in ay noqdaan kuwo leh anshax, karti iyo daacadnimo, si ay uga qeyb qaataan difaaca iyo xasilloonida dalka.
Gen Sabhadiin Kalkaan Taliyaha Hawgalka Turksom ayaa dhankiisa Ciidamada kula dardaarmay in ay ka soo faa’iidaystaan Tababarka ay u aadayaan Dalka Turkiga.
Ciidamadan cusub ee ku soo biiraya Ciidanka Xoogga dalka ayaa qeyb ka noqonaya difaaca Dalka.
