Qaar ka mid ah Soomaalida ku nool Edmonton ayaa isugu yimid kulan deg deg ah kadib weerar nin caddaan ah uu ku qaaday rasaasna huwiyay qoys Soomaali ah oo daris la ahaa.
Ninka ayaa la sheegay inuu deris la ahaa qoyska uuna ka dhaxeeyay derbiga guriga, rasaas ayuu dhowr jeer derbiga kasoo dusiyay taasoo cabsi ku abuurtay hooyada iyo carruurteeda.
Haweeneyda Soomaalida ah oo sababo ammaan dartood aan dooneyn in magaceeda la shaaciyo ayaa sheegtay inay cunno u diyaarineysay ilmaheeda markii ay maqashay dhawaqa rasaasta dhowr jeer.
Kulanka bulshada Soomaalida ee Edmonton kadib ayaa weriye Durraan Xasan Yare wuxuu arrinta ka waraystay Ahmed-yaasiin Jaamac Cabdulqadir oo ka mid ahaa qaban-qaabiyeyaashii kulanka sidoo kalana ehel la ah qoyska dhibaatada loo gaystay
