Sunday, August 31, 2025

Dhimasho iyo dhaawac ka dhashay rasaas lagu furay askar ka tirsan Puntland

Ugu yaraan Seddex askari ayaa ku geeriyooday, halka labo kale ay dhaawacyo soo gaareen, kadib markii askari ka tirsan ciidamada ilaalinta nabadgelyada waddooyinka Puntland uu rasaas ku furay gaari ay wateen ciidamo ka tirsan dowladda hoose ee degmada Garoowe.

Falkaasi ayaa ka dhacay afaafka hore ee xarunta Taraafikada gobolka Nugaal, sida ay sheegeen dad goobjoogayaal ah, waxaana la sheegay in askariga dilka geystay uu goobta ka baxsaday isagoo wata qorigii askariga dhintay.

Dhaawacyada labada kale ayaa la geeyay xarumaha caafimaadka ee magaalada Garoowe, iyadoo xaaladdooda caafimaad lagu dabiibayo.

Ciidamada ammaanka gobolka ayaa bilaabay baaritaan ku saabsan dhacdada, iyadoo la baadi-goobayo askariga falka geystay oo la sheegay in uu si degdeg ah uga baxsaday goobta.

Ilaa hadda ma cadda sababta rasmiga ah ee keentay falkaasi, balse wararka hordhaca ah ayaa tilmaamaya in uu ka dhashay is-fahamwaa ama muran u dhexeeyay labada dhinac.

Maamulka gobolka Nugaal iyo laamaha amniga ayaan weli si rasmi ah uga hadlin dhacdada, taas oo cabsi iyo walaac gelisay shacabka ku dhaqan magaalada Garoowe.

WARARKII KALE

Dhageeyso Warka Habeenimo ee Radiojowhar 30/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

RW Xamsa muxuu ka yiri doorashada maanta ka dhacday Waqooyi Bari?

Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa...

MW Xasan Sheekh oo hambalyo u diray Madaxweynaha iyo ku xigeenkiisa loo doortay Waqooyi Bari

Madaxweynaha dowladda Federaalka Soomaaliya Xasan Sheekh Maxamuud ayaa hambalyo...

70 qof oo tahriibayaal ahaa oo badda ku dhintay

Ugu yaraan 70 qof ayaa ku dhintay badda kadib...

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles