Golaha Wasiirada Amniga ee Israel ayaa ansixiyay tallaabada Raโiisul Wasaare Benjamin Netanyahu iyo Wasiirkiisa Difaaca ay ku goโaamin doonaan goorta iyo sida looga aargudan karo gantaaladii lagu weeraray dhulka Israaโiil ay heysato, waxaana Mareykanka uu sheegay in weerarkaas ay fuliyeen Xisbullah.
Wasiirada ayaa kulan degdeg ah yeeshay kadib weerarkii ka dhacay Buuraha Golan ee ay Israaโiil haysato fiidnimadii Sabtida, kaas oo lagu dilay 12 carruur ah iyo dhallinyaro ka tirsan Druze.
Weerarkaas ayaa ahaa midkii ugu dhimashada badnaa ee ka dhaca xuduudka muddo bilo ah, Xisbullah dhankeeda waa ay beenisay inay ku lug leedahay.
Weerarka ayaa sii kordhiyey cabsida laga qabo in dagaalka oo ilaa hadda la xakameeyey uu sii fido oo uu noqdo dagaal u dhaxeeya labada dhinac.
Dawladaha reer galbeedka ayaa ugu baaqaya Israa’iil inay is xakameeyaan si ay uga jawaabaan weerarka.
Aqalka Cad ayaa sheegay in ay โwadahadal joogto ah la lahaayeen dhinacyada Israaโiil iyo Lubnaan tan iyo weerarkii argagaxa lahaaโ ee ka dhacay garoon lagu ciyaaro kubadda cagta oo ku yaalla xaafadda Druze ee Majdal Shams.
