Guddoomiyaha Maamulka Gobolka Banaadir ahna Duqa Muqdisho, Dr. Xasan Maxamed Xuseen (Muungaab), ayaa maanta kormeer ku tagay dhismaha Laamiga Soobe ee magaalada Muqdisho, kaasoo maraya heer gabo-gabo ah.
Intii uu ku sugnaa goobta, Duqa Muqdisho Dr. Xasan Maxamed Xuseen (Muungaab) wuxuu shacabka Soomaaliyeed ka raalli geliyay ciriiriga ka dhashay dhismaha waddadan iyo dib-u-dhaca ku yimid, isagoo xusay in sababta ay tahay roobka xilliga iyo in shirkadda dhismaha lagula heshiiyay in ay dhisto laami tayo sare leh oo aysan biyuhu fariisan karin.
โWaxa aan ka xumahay saxmadda ka dhalatay dhismahan, waana ka warqabnaa cabashadiinna. Sababta dib-u-dhaca ayaa ah in aan dhisno laami tayo leh oo aysan biyuhu fariisan karin. Waa in 48 saac gudahood laamigaan lagu furo,โ ayuu yiri Duqa Muqdisho, Dr. Xasan Maxamed Xuseen (Muungaab).
Kormeerka maanta waxaa Duqa Muqdisho ku wehlinayay: Md. Maxamed Axmed Diiriye (Yabooh), Guddoomiye ku-xigeenka Amniga iyo Siyaasadda, Md. Cabdimajiid Daahir Aadan, Guddoomiye ku-xigeenka Hawlaha Guud iyo Agaasimayaal ka tirsan Maamulka Gobolka Banaadir.
