Saturday, August 30, 2025

Jeneraal Abdel Fattah al-Burhan oo isku day dil ka badbaaday

Hoggaamiyaha ugu sarreeya milatariga dalka Sudan Jeneraal Abdel Fattah al-Burhan , ayaa ka badbaaday isku day dil oo la sheegay in ay maleegeen ciidamada gurmadka degdega ee RSF, kuwaa oo dagaal xooggan kala dhaxeeyo ciidanka milatariga.

Afhayeenka ciidamada Suudaan Nabil Abdallah , ayaa sheegay in hoggaamiyaha milatariga Sudan uu ka badbaaday isku day dil, waxa uuna ku eedeeyay in ciidamada RSF ee kasoo horjeeda ay maleegeen qorshaha la doonayay in lagu dilo Al-Burhaan.

Xero ciidan uu ku sugnaa Jeneraal Abdel Fattah al-Burhan uuna kaga qeyb galayay munaasabad ay ciidamo ku qalin-jabinayeen ayaa lagu soo weeraray labo gantaal, waxaana la sheegay in hoggaamiyaha milatariga Sudan ka badbaaday weerarkaasi.

Warbaahinta dalka Sudan ayaa ku warantay in weerarka gantaal ee lagu qaaday xerada uu ku sugnaa Jeneraal Al-Burhaan ay ku dhaawacmeen shan sargaal oo katirsanaa ciidanka milatariga, mana la sheegin khasaaro dhimasho oo weerarkaasi ka dhashay.

Dalka Sudan awoodda waxaa isku heesta labo jeneraal oo kala hoggaamiya ciidamada milatariga iyo kuwa gurmadka degdega, waxaana dalkaasi muddo ka badan sannad ka socda dagaal dhiig badan ku daatay kuna barakaceen dad aad u badan.

WARARKII KALE

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

Wareega 1aad ee Doorashada Madaxtinimada Waqooyi Bari oo la Soo Afmeeray iyo natiijada

Waxaa dhammaatay tirinta codadka wareegga Koowaad ee doorashada madaxweynaha...

Codeynta Doorashada Madaxweynaha Waqooyi Barri oo ka bilaabatay Laascaanood

Waxaa magaalada Laascaanood ee gobolka Sool ka bilaabtay codeynta...

Dhageeyso Warka Habeenimo ee Radiojowhar 29/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

Ugu yaraan 69 rakaab oo ku dhintay Doon ku sii jeedday jasiiradaha Canary ee Spain

Ugu yaraan 69 qof ayaa ku dhintay tiro kalena...

NAGU SOO BIIR

16,000FansLike
523FollowersFollow
352SubscribersSubscribe

Latest Articles