Madaxweyne Xasan Sheekh oo kulamo la qaatay RW Xamsa iyo odayaasha dhaqanka Beesha Mudulood

Madaxweynaha Soomaaliya Xasan Sheekh Maxamuud iyo Ra’iisul Wasaaraha Xukuumadda Federaalka Xamse Cabdi Barre ayaa kulan albaabada u xiran yahay ku yeeshay xarunta Madaxtooyada Qaranka, iyagoo si qoto dheer uga wada hadlay xaaladda guud ee dalka.

Kulankan ayaa si gaar ah diiradda loogu saaray arrimaha siyaasadeed ee dhawaan dalka ka soo cusboonaaday kuwaas oo sababay kacsanaan siyaasadeed, gaar ahaan xiisadda u dhexeysa dowladda federaalka iyo maamulka Puntland.

Ilo wareedyo lagu kalsoon yahay ayaa xaqiijiyay in Madaxweynaha uu dadaal xooggan ugu jiro sidii loo yareyn lahaa khilaafka siyaasadeed iyo sidii loo xoojin lahaa midnimada dalka.

Sidoo kale, warar kale ayaa sheegaya in Madaxweyne Xasan Sheekh uu qorsheynayo inuu qabto shir ballaaran oo looga hadlayo mustaqbalka siyaasadeed ee Soomaaliya.

Shirkan oo la filayo inuu ka dhaco magaalada Muqdisho, ayaa la qorsheeyay inay ka qeyb galaan madaxda maamul goboleedyada (marka laga reebo Madaxweynaha Jubbaland Axmed Maxamed Islaam “Axmed Madoobe”), mucaaradka siyaasadeed, iyo wakiillo ka socda ururrada bulshada rayidka ah.

Dhanka kale, ilo lagu kalsoon yahay ayaa sheegaya in isbeddel iyo isku shaandheyn ballaaran lagu sameyn doono Xukuumadda Federaalka, iyadoo qorshahani uu qeyb ka yahay dadaallada socda ee lagu xoojinayo tayada hoggaanka dowladda.

Dhanka kale, Madaxweynaha Soomaaliya Xasan Sheekh Maxamuud ayaa xalay kulan gaar ah la yeeshay Odayaasha Dhaqanka ee Beelaha Mudullood, kaasoo ka dhacay Madaxtooyada. Kulankan oo uu codsaday Madaxweynaha ayaa looga hadlay dagaalka ka dhanka ah kooxda Al-Shabaab. Waxaa diiradda la saaray sidii dowladda iyo beesha Mudullood ay isaga kaashan lahaayeen dib u xoreynta deegaanada iyo degmooyinka ay kooxdaasi gacanta ku hayso.

Madaxweynaha ayaa xusay muhiimadda ay leedahay iskaashi buuxa oo u dhexeeya dowladda iyo bulshada si loo adkeeyo amniga loona xoreeyo goobaha wali gacanta ugu jira argagixisada.

WARARKII KALE

Dhageyso Warka Habeenimo Ee Radiojowhar 12 11 2026

Halkaan hoose ka Dhageyso Warka Habeenimo Ee Radiojowhar Warka...

Turkiga oo beeniyay inuu Soomaaliya u soo dirayo kumanaan Askari oo ka tirsan ciidankooda

Wasaaradda Gaashaandhigga Turkiga ayaa beenisay wararka sheegaya in dowladda...

MW Xasan Sheekh iyo Erdoğan oo ka wada hadlay amniga iyo iskaashiga labada dal

Madaxweynaha  Soomaaliya, Xasan Sheekh Maxamuud, ayaa kulan doceed la...

Golaha Wasiirrada oo magacaabay Agaasimaha Guud ee Hay’adda Dakhliga Qaranka

Golaha Wasiirrada Xukuumadda Federaalka Soomaaliya ayaa maanta, kulankoodii Khamiislaha...

DF oo cambaaraysay weerarkii lagu dilay siddeed muwaadin oo Kenyan ah

Dowladda Federaalka Soomaaliya ayaa si kulul u cambaaraysay weerarkii...

Farmaajo oo shuruud ku xiray ka qeyb galka Shirka MW Xasan Sheekh

Madaxweynihii hore ee Soomaaliya, Maxamed Cabdullaahi Farmaajo, ayaa jawaab...

NAGU SOO BIIR

16,000FansLike
523FollowersFollow
352SubscribersSubscribe

Latest Articles