Aqoonsiyada xubno Ajaaniib ah oo ka tirsan Daacish, ayaa laga helay qaar kamid ah Talisyada iyo goobaha kale ee lagala wareegay kooxda oo ku yaalla buuraha Cal miskaat ee gobolka Bari
Ragga aqoonsiga la helay waxaa ku jiraan nin u dhashay Boqortooyada Sacuudi Carabiya oo magaciisa la yiraahdo Al howshaami.
Ninkan waa 21 jir sida ku xusan baasaboorkiisa waxaa uu ka soo degay Addis ababa 18kii Disembar ee sanadkii hore isagoo safar dhulka ah oo ku galay buuraleyda gobolka Bari halkaasoo uu kaga biiray Daacish.
Sidoo kale ninkan ayaa watay kaarka lacagta lagula baxo ee VISA CARD iyo dokumentiyo kale.
Ciidamada Puntland oo kaashanaya dayuuradaha dagaalka Mareykanka ayaa maalmahan howlgal culus ka wada buuraha Cal Miskaad ee gobolka Bari kaasoo ujeedkiisu in goobahaas looga sifeeyo xoogaga Daacish oo fariisimo ku leh aagagaas.
Puntland ayaa guulo la taaban karo ka gaartay howlgalka oo muddo dheer laga soo shaqeynayey inkastoo weli hogaanka iyo saraakisha sare ee kooxda Daacish ay ka ka dagaalamayaan qeybo ka mid ah dhulka buuraleyda ah.
