Warbaahinta deegaanka Mandheera ayaa baahisay in saacadihii la soo dhaafay magaaladaasi ay soo gaareen ku dhawaad 200 oo qoys, kuwaasi oo u badan haween, caruur iyo waayeel.
Dadkani waxay sheegeen in ay guryahooda uga baxeen cabsi iyo rasaas culus oo ku dhacaysay xaafadahooda.
Qaar ka mid ah barakacayaashan ayaa hadda lagu dejiyey iskuullo loo bedelay xeryo ku meel gaar ah, halka kuwa kalena ay la hoydeen eheladoodii horey ugu sugnaa magaalada Mandheera.
Mas’uuliyiinta maamulka deegaanka Mandheera ayaa bilaabay diiwaangelinta barakacayaasha si loo gaarsiiyo gargaar degdeg ah, iyaga oo xusay in xaaladdu tahay mid bani’aadanimo oo aad u cakiran isla markaana u baahan in si degdeg ah wax looga qabto.
Dadka ku barakacay dagaallada Balad-Xaawo ayaa wajahaya dhibaatooyin isbiirsaday oo ay ka mid yihiin:
Hoy la’aan
Cunto yari
Biyo la’aan
Daryeel caafimaad oo xaddidan
