Ra’iisul Wasaare ku-xigeenka 1-aad ee Xukuumadda Federaalka Soomaaliya Mudane Saalax Axmed Jaamac oo ay wehliyaan Wasiirka Gaashaandhigga Soomaaliya Mudane Cabdiqaadir Maxamed iyo Taliyaha Ciidanka Xoogga Dalka Soomaaliyeed S/gaas Odawa Yusuf Rage, ayaa maanta gaaray xerada Balidoogle ee gobolka Shabeellaha Hoose, halkaas oo uu tababar ugu soo xiray dufcaddii 11-aad ee kumaandooska Danab.
Dufcadan oo tababarkooda ku qaatay Dugsiga tababarka gaashaanle Xasan Tuure, ayaa loogu talagalay in lagu xoojiyo ciidamada xoogga dalka ee dagaalka kula kooxaha Khawaarijta ah, kuwaas oo howlgalladii ugu dambeeyay howlgalo ka soo hooyay.
Intii uu ku sugnaa xerada Balidoogle, Ra’iisul Wasaare ku-xigeenka 1-aad ayaa waxuu kormeeray cutubyada ciidamadda, isagoo dhiirrigelin u jeediyay ciidamada cusub ee tababarka dhammaystay. Wuxuu carrabka ku adkeeyay muhiimada ay ciidamada Danab u leeyihiin Difaaca Dalka.
