Wasaaradda Gaashaandhigga Sacuudi Carabiya ayaa sheegtay inay qabatay laba gantaal oo nooca cruise-ka ah kuwaas oo ku wajahnaa koonfurta caasimadda Riyadh, sida ay weriyeen wakaaladaha wararka ee Reuters iyo AFP.
Dhanka kale, Wakaaladda Wararka Rasmiga ah ee Sacudi Carabiya ayaa sheegtay in sagaal diyaaradood oo aan duuliye lahayn (drones) la qabtay.
Mas’uuliyiinta Sacudi Carabiya ma aysan sheegin halka laga soo tuuray gantaallada iyo diyaaradahaas.
