Ku xigeenka isu-duwaha arrimaha bani’aadannimada Qaramada Midoobay u qaabilsan Sudan, Antoine Gérard, ayaa sheegay in ay adag tahay in la ogaado tirada dhimashada maadama ay aan la gaari karin dhulka ay dhibaatadu ka dhacday.
SLM oo ah koox hubeysan oo gacanta ku haysa dhulka ay dhibaatadu ka dhacday ayaa mar sii horeysay sheegay in ugu yaraan kun qof ay ku dhinteen dhulka soo dumay.
Roobab da’ayay maalmo ayaa sababay Axadii in dhul taag ah uu soo dumo kaas oo inta badan tuulada Tarseen dhulka la simay sid ay ku sheegeen qoraal ka soo baxay kooxda SLM.
Kooxda SLM ayaa ka dalbaday kaalmo bani’aadannimo Qaramada Midoobay iyo ururada kale ee gobolka iyo kuwa caalamiga.
Dad badan oo ku nool waqooyiga Darfur ayaa u soo barakacay buuraha gobolka Marra kaddib markii uu qarxay dagaalka u dhexeeya militeriga Sudan iyo kooxda RSF.
