In ka badan 120 milyan oo qof oo ku nool Bangladesh ayaa maanta la filayaa inay u dareeraan codbixinta si ay u doortaan dowlad cusub.
Tani waa doorashadii ugu horreysay tan iyo markii dhaqdhaqaaq ay hoggaaminayeen dhalinyaro si lama filaan ah xilka uga tuureen raysal wasaarihii hore, Sheikh Hasina.
Mudaharaadyadii 2024 ayaa soo afjaray 15 sano oo xukun sii adkaanayay ay hoggaaminaysay Hasina.
Dad badan ayaa rajeynaya in doorashada maanta ay Bangladesh u horseedi doonto xilli cusub oo dowlad metelaad ku dhisan.
