Safaaradda Hindiya ee Iiraan ayaa ka warbixisay waxa ay ka wada hadleyn Wasiirrada arrimaha dibadda Iiraan Cabaas Caraqji iyo Hindiya S Jaishankar kuwaas oo kulan qadka telefoonka ah yeeshay Arbacadii.
“Intii uu socday wada sheekeesigu, wasiirradu waxa ay iska xog wareysteen xaaladda gobolka iyo saameynta ka dhalatay tallaabooyinka sharci darrada ee Maraykanku wado, kuwaas oo madax bannaanida iyo xiriirka caalamig ahba dhaawaceysa”. ayaa lagu yiri qoraalka ay daabacday safaaradda Iiraan.
Cabaas, waxa uu hoosta ka xarriiqay in deganaan la’aanta ka jirta gacanka khaliijka iyo marinka hormuz ay masuul ka yihiin Maraykanka.
Sidoo kale safaaraddu waxa ay sheegtay in wasiirka arrimaha dibadda Hindiya uu sheegay in Hindiya ay taagereyso xasilloonida iyo khilaafka wada hadal lagu xalliyo.
