Shirkii ka socday Xerada Xalane ee u dhexeeyay MW Xasan Sheekh iyo Golaha Mustaqbalka Soomaaliya ayaa ku soo dhammaaday natiijo la’aan, kadib seddex maalin oo dhinacyadu kulan yeeshaan.
Kulanka oo ay mucaaradka ku metelayeen Sheekh Shariif Sheekh Axmed iyo Saciid Cabdullaahi Deni ayaa ahaa kii ugu waqtiga yaraa, waxaana la sheegay in lagu kala tagay iyadoo aan heshiis iyo ballamo kale aysan qaadan labada dhinac.
MW Xasan Sheekh ayaa ku adkeydstay qabashada doorasho qof iyo cod ah, halka mucaaradka ay iyaguna taasi ka biiyo diideen.
Xubnaha Mucaaradka ayaa bilaabi doono kulamo wadatashi ah iyo abaabul xooggan oo ka dhan ah MW Xasan Sheekh, iyagoo saacadaha soo socda Faahfaahin doono sababta keentay inuu fashil ku soo dhammaado shirka.
Xubnaha Beesha Caalamka ayaa sugaysay in maanta dhinacyada gaaraan heshiis doorasho oo la isku raacsan yahay, balse waxaa lagu wadaa in wakiilada Beesha Caalamka ay war ka soo saaraan kulamadii ka dhacay Muqdisho.
Fashilka wada-hadalladan ayaa imaanaya xilli uu maanta dhammaanayo muddo xileedkii loo doortay Madaxweynaha Soomaaliya Xasan Sheekh.
Ilaa hadda labada dhinac si rasmi ah war ugama aysan soo saarin shirka, waxaana la filayaa inay soo saaraan warsaxaafadeedyo kala duwan saacadaha ama maalmaha soo socda, haddii aysan jirin dadaallo cusub oo ay beesha caalamku ku riixeyso dib u furista wadahadallada.
Dhanka kale, Mucaaradka ayaa maanta ku dhawaaqay inay baajiyeen banaanbax ay hore u iclaamiyeen inuu dhacayo maalinta beri ah ayagoo sheegay inay wadahadallada fursad siinayaan lamana oga sida ay ka yeeli doonaan banaanbixii baaqday
Soomaaliya ayaa markale wajahaysa jahwareer Siyaasadeed, taasi oo aan la ogeyn halka ay ku dambeyn doonto.
