Madaxweynaha Dowladda Hirshabeelle Mudane Cali Cabdullaahi Xuseen (Cali Guudlaawe) ayaa salaaddii Jimcaha kaddib waxa uu degmada Balcad ku soo dhaweeyay Guddoomiyaha Barlamaanka JFS Mudane Cabdulqaadir Maxamed Jaamac oo ay wehliyaan mudanayaal ka tirsan labada Gole ee Dowladda Dhexe.
Dhaqanka Mudulood, Maamulka Degmada Balcad, Haween, Dhallinyaro iyo Saraakiisha Ciidamada Qalabka Sida ayaa qeyb ka ahaa soo dhaweynta diiran ee maanta loo sameeyay Guddoomiyaha Baarlamaanka.
Intaa kaddib ayaa masuuliyiinta loo gudbiyey beerta dalxiiska degmada Balcad oo loogu sameeyay qado-sharaf.
Ugu dambeyn Madaxweynaha Dowladda Hirshabeelle ayaa uga mahadceliyay Guddoomiyaha Golaha Shacabka doorashadiisa kaddib in booqashadii ugu horeysay uu ku yimid Hirshabeelle.
