Dowlada Federaalka Soomaaliya ayaa magaalada Baydhaba ka dejisay ciidamadii ugu badnaa oo Muqdisho diyaarado looga raray si loogu difaaco Maamulka Hoggaamiye Aadan Madoobe oo mucaaradad cusub la kulmayay maalmihii la soo dhaafay halka Laftagareena weerar ku yahay Magaalada Baydhaba oo xarun u ah mamulkaasi.
Ciidankan ayaa loogu talagalay inay Baydhaba difaacaan halka horayna ay ugu sugnaageen Qeybta Lixdanaad iyo guutooyin Gorgor ah.
Sidoo kale dowladda Federaalka ayaa dadaal ugu jirta in ay caalamka ku qanciso in Laftagareen iyo Ciidankiisu yihiin urur Argagixiso oo lamida Kooxda Al-shabaab.
Dhaq dhaqaaq Ciidan oo iska soo horjeedo ayaa laga dareemayaa magaalada Baydhabo ee Gobolka Baay, kaasi oo ay kala wadaan ciidamada DFS oo garab ka helaya ciidanka KGS iyo kuwa taabacsan Lafta Gareen.
Cabsi xooggan ayaa ka taagan magaalada Baydhabo, kaasi oo ay muujinayaan Shacabka ku nool Magaaladaasi.
