Hayโadda difaaca rayidka ee Marinka Qasa ayaa sheegtay in dhacdadii saaka ee u dambeysay ay ka dhigtay tirada dadka lagu dilay Qasa tan iyo markii lagu dhawaaqay heshiiska Israaโiil iyo Xamaas Arabacadii la soo dhaafay dad ka badan 100 qof.
Bayaan uu soo saaray afhayeenka hayโadda difaaca rayidka Maxamuud Basal ayuu ku sheegay in tirada dadka ku dhintay duqeymaha Israaโiil tan iyo markii heshiiska la saxiixay lagana soo gaaro illaa saaka sagaalkii aroornimo ay gaarayso 101 qof oo 27 ay caruur yihiin, halka haweenku gaarayaan 31, waxana uu dhaawucu gaarayaa 264 qof.
Waxa uu intaa ku daray in duqeyn xagga cirka ah oo Israaโiil xalay ku qaaday guri ku yaala waqooyiga Qasa ay ku dhinteen sagaal qof, halka shan kale ay ku dhinteen Khamiistii duqeyn kale oo lagu qaaday guri ku yaala bartamaha Qasa.
