Ciidamada ammaanka maamulka Puntland , ayaa howlgal ay ka sameeyeen magaalada Boosaaso ku qabtay nin ajnabi ah oo la socday nin kale oo ajnabi ah oo xalay ciidamada Puntland dileen xilli uu miino aasayay.
Sida aan wararka ku helnay ciidamada amniga Boosaaso ku qabtay nin u dhashay dalka Yemen oo la sheegay in uu qeyb ka ahaa falal amni daro, sidoo kale la socday nin xalay ciidamada amniga toogteen isaga oo miino aasayay.
Ciidamada amniga Boosaaso, ayaa sidoo kale howlgal ay ka sameeyeen guriga uu degnaa ninkii xalay la dilay waxa ay soo heleen qaraxyo miino iyo sidoo kale agabyo kale oo waxyaabaha qarxa laga sameeyo.
Magaalada Boosaaso waxaa maanta ka socda howlgal ka dhan ah ajaaniibta kunool magaaladaasi , kuwaa oo looga shakisan yahay in ay qeyb ka yihiin falalka amnidarro ee kooxda Daacish ka wado magaaladaasi.
