Faahfaahin dheeraad ah oo ka soo baxaya dagaal u dhexeeya ciidamo ka tirsan Daraawiishta Puntland iyo maleeshiyaadka Daacish uu ku dhexmaray buuraleyda Xabley oo ka tirsan degmada Ufayn ee gobolka Bari halkaasi oo uu maalmahan ka socday howlgal ka dhan ah kooxda Daacish.
Saraakiisha ciidamada ayaa sheegay in ciidamada difaaca Puntland ay dagaalkaasi xalay ku dileen mileeshiyaad firxad ah oo isku dayay in ay weerar gaadmo ah ku sameeyaan ciidamada ,balse kooxdaasi weerarka soo qaaday badankooda la dilay islamarkaana laga furtay qoryaha fudud.
Sidoo kale Saraakiisha ayaa sheegay in saacadaha soo aadan ay faahfaahin ka bixin doonaan howlgalka weli ka socda Gobolka Bari.
Ciidamada ammaanka ayaa saaka howlgalo amni xaqiijin ah ka wada Buuraleyda Xabley ee gobolka Bari.
Ciidamada Puntland ayaa maalmihii ugu dambeeyay soo bandhigayay saldhigyo iyo hub cusub ay ka qabsadeen maleeshiyaadka Daacish ee halkaasi ku sugnaa.
