Dagaal xooggan oo dhinaca cirka ah, ayaa ka dhax qarxay milatariga dowladaha Israaโiil iyo Iran, waxaana cabsi badan laga qabaa in dagaalka faraha kasii baxo kuna sii faafo gobolka iyo meelo kale oo kasii baxsan.
Israaโiil waxaa duullaanka ay ku qaad3โeen Iran garab ku siinaya Mareykanka , UK iyo dowlado kale oo reer Galbeed ah, kuwaa oo si hoose iyo si toos ahba garab ugu siinaya ciidamada Israaโiil duullaanka ay qaadeen dalka Iran.
Dowladda Pakistan oo kamid ah dowladaha Islaamka ee ku hubeysan hubka nukliyeerka , ayaa si toos ah shaaca uga qaaday in ay garab taagan tahay dowladda Iran oo ay sheegtay in lagu qaaday weerar aan laga fiirsan oo gardarro ahaa.
Wasiirka Difaaca dalka Pakistan Khawaja Asif oo maanta la hadlay golaha amniga ee dowladda Pakistan ayuu ku caddeeyay in dowladiisa garab taagan tahay dowladda Pakistan uu sheegay in duullaan dulmi ku dhisan lagu qaaday.
โIsraaโiil waxay bartilmaameedsanaysaa Yemen, Iran, iyo Falastiinโฆ Xaaladdan oo dhan, Israโiil keligood ma dhaqaaqayaan, waxaa jira quwaddo kale oo garab siinaya โ Haddii dunidda Islaamka aysan hadda midoobin, dhammaanteen waxaan la kulmi doonnaa isla masiirkaas.โ Ayuu yiri Wasiirka Difaaca Pakistan.
Wasiirka Difaaca dowladda Pakistan, ayaa si aan gambasho laheyn ย u sheegay in xilligan adag ay garab taagan yihiin walaalahooda Iran, isaga oo intaa ku daray in xanuunka iyo murugada la dareemayaan walaalahooda reer Iran.
โXilligan adag, Pakistan waxay Iran u garab taagan tahay si buuxda oo dhan kasta ah. Waxaan difaaceynaa danaha Iran. Dadka Iiraan waa walaalaheenna, xanuunkooda iyo murugadoodana waan wadaagnaa.โ Ayuu yiri Wasiirka Difaaca Pakistan.
