Wasiirka Arrimaha dibadda Cumaan, Cumar Badr Albusaidi oo qayb ka ahaa dhexdhexaadinta ayaa sheegay wareeggii xigay ee wada-hadallada nukliyeerka ee Maraykanka iyo Iiraan ee la qorsheeyay Axadda Maanta ah uusan sii socon doonin.
โWadahadalada Iiran ee loo qorsheeyay in lagu qabto magaalada Masqad Axadan ma dhici doonaan,โ ayuu ku qoray barta X. โLaakin diblamaasiyadda iyo wada-hadallada ayaa ah waddada keliya ee lagu gaari karo nabad waarta.โ
Khamiistii hore, Madaxweyne Donald Trump ayaa ka digay in hawlgal militari oo ka dhan ah Iran uu โbaabiโin doonoโ wadahadallada uu maamulkiisu la lahaa Tehran si loo xakameeyo barnaamijkeeda nukliyeerka.
Trump wuxuu muddooyinkii la soo dhaafay ku howlanaa wadahadallo uu la lahaa Iran oo ku saabsan sidii loo xadidi lahaa barnaamijkeeda nukliyeerka, balse ilaa hadda wax heshiis ah lagama gaadhin.
