Xildhibaan Saadaq Cumar Xasan (Saadaq Joon) ayaa loo doortay kursiga tirsigiisu yahay HOP#248 ee Golaha Shacabka Baarlamaanka Federaalka Soomaaliya, kaddib doorasho goordhow ka dhacday magaalada Dhuusamareeb ee caasimadda dowlad-goboleedka Galmudug.
Doorashada ayaa ku dhacday si habsami leh, iyadoo ay goob-joog ka ahaayeen guddiga doorashooyinka, masuuliyiin ka tirsan maamulka Galmudug iyo wakiillo kale oo ka socday hay’adaha amniga iyo bulshada rayidka ah.
Kursigan ayaa kamid ah kuraasta Golaha Shacabka ee degaan doorashadiisu tahay Galmudug, si loo dhammaystiro xubnaha Baarlamaanka Federaalka Soomaaliya.
