Guddoomiyaha Gobolka Banaadir ahna Duqa Magaalada Muqdisho Xasan Maxamed Xuseen (Muungaab) ayaa Mire Salaad Dhuxulow u magacaabay Guddoomiyaha Degmada Daarusalaam ee Gobolka Banaadir.
Xilkii Guddoomiyaha Degmada Daarusalaam ayaa waxaa laga qaaday Maxamed Cabdiraxmaan Maxamuud.
Guddoomiyaha Gobolka Banaadir ahna Duqa Magaalada Muqdisho Xasan Maxamed Xuseen (Muungaab) ayaa kula dardaarmay Guddoomiyaha cusub ee Degmada Daarusalaam Mire Salaad Dhaxalow in uu mudnaan siiyo Harumarinta Degmada, bilicda iyo baahinta adeegyada aas-aasiga.
Guddoomiyaha cusub ee maanta la magacaabay ayaa horey u soo noqday guddoomiyaha degmada Heliwaa ee Gobolka Banaadir.
