Wasiirka Difaaca Pakistan ayaa ku hanjabay inuu burburin doono dowladda Daalibaan ee Afghanistan, haddii ay ku guul daraysato inay joojiso weerarada dagaalyahannada xuduudka ka gudba ee weerara ciidamadooda.
Khawaja Asif ayaa sheegay in ka dhalanayso cawaaqib tijaabinta dulqaadka Pakistan. Hadalkiisa ayuu ku soo qoray barta X ee horay loo oran jiray (Twitter).
Waxaa uu ku soo aadayaa hadalka wasiirka ka dib markii uu burburay wadahadalkii u dhaxeeyay labada dowaladood ee ka dhacay Istanbul. Ujeedka wadahadalka ayaa ahaa in xal loo helo khilaafka gacan ka hadalka dhaliyay ee u dhaxeeya labada dal.
Kooxda Daalibaan ee dalka Afghanistan ayaa beenisay inay hooy u tahay kooxaha dagaal yahanada Islaamiga ah, iyaga oo sheegay inay yihiin kuwo u gaar ah xaalada gudaha ee Pakistan.
