Agaasimaha Guud ee Hay’adda Socdaalka iyo Jinsiyadda (HSJ) Mudane Mustafe Sheekh Cali Dhuxulow ayaa maanta si rasmi ah u saxiixay Qaab-dhismeedka cusub ee Hay’adda, kaasoo hagaya jihada shaqo, maaraynta waaxyaha, laamaha iyo horumarinta adeegyada kala duwan oo ay Hay’addu bixiso.
Qaab-dhismeedkan cusub oo ay horey uga wada shaqeeyeen Agaasinka Waaxaha kala duwan, iyo la-taliyeyaal farsamo ayay hay’addu ku hawlgeli doontaa.
Qaab-dhismeedkan waxa uu dhabbaha u xaarayaa:
• In si hufan loo kala hago howlaha Hay’adda
• In la xoojiyo isla xisaabtanka iyo waxqabadka shaqaalaha
• In la dhiso nidaam maamul casri ah oo la jaanqaadaya isbeddelka teknolojiyadda iyo baahiyaha bulshada.
Agaasimaha Guud ayaa tilmaamay in qaab-dhismeedkan cusub uu saldhig u noqon doono qorshaha dib u habaynta Hay’adda, iyadoo la horumarinayo adeegyada muhiimka ah sida baasaboorka, dal-ku-galka, jinsiyadda, iyo ilaalinta xuduudaha.
