Doorashada ka socotay magaalada Laascaanood ee xarunta maamulka cusub ee Waqooyi-Bari Soomaaliya ayaa maanta ku soo idlaatay in C/rashiid Yuusuf Jibriil loo doortay Madaxweyne Ku-xigeenka dowlad goboleedka cusub.
C/rashiid Yuusuf Jibriil ayaa ku guuleystay xilkan kadib cod gacantaag ah, isagoo helay 65 cod.
Tartanka ayaa noqday mid sahlan maadaama afar musharrax oo la filayay inay la tartamaan laga waayay hoolka doorashada, taasoo sababtay in si toos ah gacantaag loogu codeeyo.
Doorashadan ayaa ka dambeysay kadib markii isla maanta la doortay Cabdiqaadir Axmed Aw-Cali (Firdhiye) inuu noqdo Madaxweynaha Waqooyi-Bari Soomaaliya.
Labadan doorasho ayaa dhammaystiray hoggaanka sare ee maamulka cusub.
