Ciidanka maamulka Jubbaland ayaa howlgal qorshaysan ka fuliyay howdka fog ee deegaanka Raas-Kaambooni, oo hoos yimaada degmada Badhadhe ee gobolka Jubbada Hoose.
Howlgalkan ayaa dhacay kadib markii maleeshiyaadka Khawaarijta Al-Shabaab ay isku dayeen weerar fashilmay oo ay ku qaadaan deegaanka Oodoow, balse ciidanku si degdeg ah uga falceliyeen.
Ciidanka ayaa raacday raadadka kooxda tan iyo xalay, ugu dambeyntiina waxay gaareen goobihii ay ku dhuumaaleysanayeen, halkaas oo ay ku burburiyeen xarumo iyo meelihii ay ka samaysteen saldhigyada.
Saraakiisha ammaanka Jubbaland ayaa sheegay in howlgalka uu ahaa guul buuxda, isla markaana lagu fashiliyey qorshihii weerarka ee Al-Shabaab.
