Wararka ka imaanaya gobolka Shabeellaha Dhexe, ayaa sheegaya in deegaanka Biyo cadde uu ka socda dagaal u dhaxeeya ciidanka Dowladda iyo kooxda Al-shabaab.
Dagaalka ayaa yimid kadib markii dagaalamayaal katirsan Shabaab ay weerar ku soo qadeen fariisimo ay ciidanka dowladda ku lee yihiin deegaanka Biyo cadde. waxaana la maqlaya dhawaaqa rasaasta ay labada dhinac isku adeegsanayaan.
Goobjoogayaal ku sugan deegaanka, ayaa sheegaya in xaalada ay kacsan tahay, isla markaana ay dareemayaan cabsi madaama dagaalka uu yahay mid xooggan.
Ilaa iyo hadda si dhab ah looma oga khasaaraha ka dhasahy dagaalka, madaama dagaalka uu weli ka socdo deegaanka Biyo Cadde ee gobolka Shabeelada Dhexe.
Maamulka Gobolka Shabeelaha Dhexe ayaa saacadihii u dambeeyay xoogga saarayay abaabulka ciidamadaan Federaalka iyo Kuwa deegaanka ee Macawiisleyda si loo xoojiyo howlgallada ka dhanka ah ‘Al-shabaab’ ee ka socda Hir-Shabeelle.
Al-shabaab ayaa maalmihii ugu dambeeyay weerar ku qaadayay saldhigyada cioidamada xoogga ay ku leeyihiin deegaanada ka tirsan gobolka Shabeelada Dhexe.
