Danjiraha Turkiga oo kordhiyay kulamada uu la yeelanayo siyaasiyiinta mucaaradka Soomaaliya

Danjiraha dowladda Turkiga u qaabilsan Soomaaliya, Ferhat Alkan, ayaa booqasho ku tagay Ra’iisul Wasaarihii hore ee Soomaaliya, Maxamed Xuseen Rooble, iyadoo ay sii kordhayaan kulamada uu la yeelanayo siyaasiyiinta mucaaradka iyo hoggaamiyeyaasha siyaasadeed ee dalka.

Danjire Alkan iyo Maxamed Xuseen Rooble ayaa ka wada hadlay xaaladihii ugu dambeeyay ee Soomaaliya iyo geeddi-socodka siyaasadeed ee dalka, sida lagu sheegay warbixin ka soo baxday dhinaca safaaradda Turkiga.

Safiirka ayaa sidoo kale bogaadiyay kaalintii uu Rooble ka qaatay xoojinta xiriirka iyo iskaashiga Soomaaliya iyo Turkiga intii uu hayay xilka Ra’iisul Wasaaraha.

Booqashadan ayaa qeyb ka ah kulamo xiriir ah oo uu Danjire Ferhat Alkan maalmihii la soo dhaafay la yeelanayay siyaasiyiinta mucaaradka iyo madaxda hore ee Soomaaliya.

Hore ayuu safiirku kulamo ula yeeshay Madaxweynayaashii hore ee Soomaaliya Maxamed Cabdullaahi Farmaajo iyo Sheekh Shariif Sheekh Axmed, iyo Ra’iisul Wasaarihii hore Xasan Cali Khayre.

Kulamadan ayaa imaanaya xilli dalka uu ka jiro khilaaf siyaasadeed oo xooggan oo u dhexeeya dowladda Federaalka iyo mucaaradka, gaar ahaan arrimaha la xiriira doorashooyinka, dastuurka iyo mustaqbalka hoggaanka dalka.

WARARKII KALE

DFS oo Cali Jeyte dalacsiisay xilli xiisadda Hiiraan ay sii xoogeysanayso

Dowladda Federaalka Soomaaliya ayaa Cali Jeyte Cismaan, hoggaamiyihii hore...

Fiqi oo mucaaradka ku eedeeyay dalabka hoggaamiyeyaasha Al-Shabaab iyo Daacish ee gogosha wada-hadalka

Wasiirka Gaashaandhigga Xukuumadda Federaalka Soomaaliya, Axmed Macallin Fiqi, ayaa...

Horjooge sare oo Al-Shabaab u qaabilsanaa lacagaha baadda ah oo lagu dilay Bakool

Ciidanka Xoogga Dalka Soomaaliyeed, gaar ahaan Guutada 6-aad, Qeybta...

Bangiga Adduunka oo ka fiirsanaya inuu hakiyo taageerada miisaaniyadeed ee uu siiyo Muqdisho

Bangiga Adduunka ayaa ka fiirsanaya inuu hakiyo taageerada miisaaniyadeed...

Deni oo la kulmay Safiirka Ingiriiska iyo arrimo xasaasi ah oo ay ka wadahadleen

Madaxweynaha Puntland, Saciid Cabdullaahi Deni, ayaa maanta qaabilay Safiirka...

Danjiraha Turkiga iyo Waare oo ka wada hadlay xaaladda Soomaaliya iyo gobolka

Danjiraha dowladda Turkiga u fadhiya Soomaaliya, Ferhat Alkan, ayaa...

NAGU SOO BIIR

16,000FansLike
523FollowersFollow
352SubscribersSubscribe

Latest Articles