Madaxweynaha Puntland Siciid Cabdullaahi Deni oo ka hadlayey Magaalada Badhan ayaa si adag uga hadlay xaaladda siyaasadeed ee Somalia, gaar ahaan arrimaha doorashooyinka.
Madaxweyne Deni ayaa sheegay in marka la gaaro 15-ka May 2026 haddii aan la helin heshiis siyaaasadeed aysan jirin dowlad Soomaaliyeed oo federal ah, ayna Puntland daneheeda raacan doonto.
“Laga bilaabo bisha soo socota 15-keeda haddaan xal Soomaali isku waafaqsan tahay imaan, dowlad federal ah oo jirtaa majirto, dowladda Puntland horay ayey daneheeda u raacan jirtey waxna ka dhawran mayno madaxda hadda joogta”,Ayuu yiri Madaxweyne Deni.
Madaxweynaha Puntland ayaa sheegay inay sugayaan go’aanka shacabka Soomaaliyeed ee ku nool gobolada dalka,”Waxaan sugaynaa talada shacabka Soomaaliyeed ee kunool gobolada dalka.”
