Golaha Guurtida Somaliland ayaa goleyaasha wakiillada iyo deegaanka u kordhiyay muddo 2 sanno iyo 3 bilood ah, taas oo ka dhigan in ay kuraasta sii joogi doonaan xubnihii la doortay 31 Maajo 2021.
Go’aanka muddo kordhinta waxaa ogol ku codeeyay 72 xubnood oo ka mid ah Golaha Guurtida Somaliland oo ka kooban 82 xildhibaan, sida uu ku dhawaaqay guddoomiyaha golaha Saleebaan Maxamuud Aadan.
Golaha Guurtida Somaliland waxaa la sameeyey ka hor aasaaskii Somaliland, waxaana la sharciyeeyey 1993-dii.
Golaha Guurtida Somaliland dadkii lagu asaasay waxaa kaga jira hadda oo keliya wax ka yar 10 xubnood, iyadoo intooda badan ay geeriyoodeen, waxaana qofkii dhinta dhaxal ahaan loogu baddelaa mid kamid ah eheladiisa.
Golaha Guurtida Somaliland muddo xileedkooda wuxuu ahaa lix sano, balse ma jiro xeer loo sameeyay sida loo soo dooranayo. Golaha Guurtida Somaliland waxay muddo korarsi sameysanayeen tan iyo 1999-kii.
Aqalka Guurtida Somaliland ayaa loogu talagalay in ay xil kordhin u sameeyaan Golaha Wakiillada (Golaha Hoose) iyo Xukuumadda, haddii laga cabsado inuu khalkhal yimaado, ama xilligeedii ay ku qabsoomi weydo doorashada.
