Saturday, August 30, 2025

DFS oo ku dhawaaqday shirweyne Qaran oo lagu dhameystirayo Dhismaha Maamulka SSC Khaatuma

Wasaaradda Arrimaha Gudaha, Federaalka iyo Dib u Heshiisiinta Dowladda Federaalka Soomaaliya ayaa ku dhawaaqday in la qaban doono Shirweyne Qaran oo lagu dhameystirayo dhismaha Maamulka SSC-Khaatumo.

Qoraal rasmi ah oo kasoo baxay Wasaaradda ayaa lagu caddeeyay in shirkan la qorsheeyay in uu qabsoomo 10ka bisha July 2025, isla markaana uu yahay mid ka dhashay dadaallo ballaaran oo ay dowladda dhexe ku bixinayso hirgelinta nidaamka federaalka iyo dhismaha hay’adaha dowliga ah ee heer gobol.

Wasaaraddu waxay tilmaantay in ay magacaabi doonto Xubno Farsamo, kuwaasoo ka shaqayn doona diyaarinta, qabanqaabada iyo hagidda habsami u socodka shirweynaha. Waxa kale oo ay wasaaraddu baaq u dirtay dhammaan dhinacyada ay khusayso in ay ka soo qeyb galaan shirkan si loo xaqiijiyo dhisme dowladeed oo loo dhan yahay.

Go’aankan cusub ayaa daba socda talo-soo-jeedintii Golaha Wadatashiga Qaran ee dhacay 6–7 May 2025, iyo war-murtiyeedkii ka soo baxay safarkii Xukuumadda Federaalka ay ku tagtay Laascaanood 15kii April 2025, kuwaasoo si cad u xusay baahida loo qabo dhameystirka maamulka SSC-Khaatumo.

Xilli uu soo dhawaanayo shirka ayaa waxaa magaalada Laascaanood ka socda abaabul xooggan, iyadoo musharixiin dhowr ah oo doonaya in ay qabtaan xilka madaxtinimada maamulka ay isa-soo tarayaan, kuwaasi ku qulqulaya magaaladaasi.

Wasaaradda Arrimaha Gudaha ayaa adkaysay sida ay uga go’an tahay in la dhiso maamul sal adag leh oo metela rabitaanka shacabka deegaanka.

WARARKII KALE

Dhageeyso Warka Habeenimo ee Radiojowhar 30/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

RW Xamsa muxuu ka yiri doorashada maanta ka dhacday Waqooyi Bari?

Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa...

MW Xasan Sheekh oo hambalyo u diray Madaxweynaha iyo ku xigeenkiisa loo doortay Waqooyi Bari

Madaxweynaha dowladda Federaalka Soomaaliya Xasan Sheekh Maxamuud ayaa hambalyo...

70 qof oo tahriibayaal ahaa oo badda ku dhintay

Ugu yaraan 70 qof ayaa ku dhintay badda kadib...

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles