Dowladda Soomaaliya ayaa sheegtay in dagaal iyo duqeymo ka dhacay Gobolka Shabeellada Hoose lagu dilay maleeshiyaad ka tirsanaa Al-shabaab
Howlgalkan ayaa waxaa uu ka dhacay deegaanka Buulo Cabdalla, oo u dhexeeya Mubaarak iyo Ugunji, waxaana lagu dilay 22 ka tirsanaa AS, oo uu ku jiray horjoogihii As, Cabdiraxmaan Jeeri, oo caan ku ahaa dhibaateynta dadka rayidka ah.
.Wasaaradda Gaashaandhigga iyo Taliska Ciidanka Xoogga Dalka waxaa ka go’an in la sii laba-jibbaaro hawlgallada noocan oo kale ah, si loo ciribtiro haraadiga khawaarijta loona sugo amniga guud ee dalka.
Sidoo kale, Wasaaraddu waxay uga mahadcelinaysaa saaxiibbada caalamka taageerada ay siiyaan hawlgallada lagu xaqiijinayo nabadda iyo xasilloonida Soomaaliya.
