Boqollaal kun oo qof ayaa isugu soo baxay Israa’iil si ay ugu baaqaan in la joojiyo dagaalka Qasa iyo in la gaadho heshiis lagu sii dayno la haystayaasha u xidhan Xamaas. Dadweynihii ugu badnaa ayaa lagu arkayay fagaaraha la haystayaasha ee magaalada Tel Aviv maalintii Axadda.
Mudaharaadayaasha ayaa sheegaya in qorshaha dawladda ay ku dooneyso in ay kula wareegto magaalada Qasa uu halis gelinayo nolosha ku dhawaad 20 la heyste oo weli gacanta ugu jira Xamaas.
Shaqo-joojin qaran oo hal maalin ah ayaa qayb ka ah qayb ka ah mudaaharaadada ballaadhan waxaana la xidhay waddooyinka, xafiisyada, jaamacadaha iyo goobo kale. Ku dhawaad 40 qof ayaa la xidhay.
