Guddoomiyaha gobolka Banaadir ahna duqa magaalada Muqdisho Mudane Yuusuf Xuseen Jimcaale (Madaale) ayaa saakay dhagax-dhigay xarunta degmada Xamarweyne oo lagu sameenayo dib u dhis iyo casriyeyn.
Duqa Muqdisho ayaa sheegay in maamulkiisa ay ka go’an tahay horumarinta xarumaha loogu adeego bulshada, isaga oo xusay in casriyeynta lagu sameenayo dhismaha xarunta degmada Xamarweyne ay qeyb ka tahay ka dhabeynta qorshaha degmo tusaale ah.
Waxa uu sheegay guddoomiyaha gobolka Banaafdir in xarunta degmada Xamarweyne ay tahay mid fac weyn oo sannado badan lagu soo shaqeeyay, waxa uuna tilmaamay in xarunta hadda loo dhisi doono qaab casri ah looguna adeegi doono bulshada degmada.
Munaasabadda dhagax-dhiga waxaa goobjoog ka ahaa guddoomiye kuxigeeno katirsan maamulka gobolka Banaadir, xildhibaano ka tirsan Baarlamaanka Federaalka Soomaaliya, maamulka degmada Xamarweyne, agaasimeyaal iyo qeybaha kala gedisan ee bulshada degmada Xamarweyne.
