Sunday, August 31, 2025

Faahfaahin ka soo baxaya markab hub siday oo Puntland ay qabatay

Warar dheeraad ah ayaa laga helayaa Markab saanad hub ah saaran tahay oo xeebaha maamulka Puntland ay ku qabteen ciidamada PMPF ee Puntland oo ah ciidamo ay gacanta ku heyso dowladda Imaaraadka Carabta.

Wararkii ugu danbeeyay ayaa sheegaya in markabkan oo lagu magacaabo Sea World ay cilad ku qabsatay Badda, taasoo keentay inuu u soo dhowaado xeebaha Gobolka Bari, gaar ahaan degaanka Caluula, halkaasoo ciidamadan PMPF oo Doonyo wata ay markabka qabteen ..

Muuqaallada Markabka laga soo qaaday oo ay duubeen ciidamada PMPF ayaa muujinaya inuu sido Gaadiidka gaashaaman oo ay uu muuqdo calanka Turkiga.

Markabka ayaa la sheegay inuu ku socday Muqdisho, balse ma cadda gaadiidka gaashaaman iyo Hubka saaran inay u socdeen ciidamada Turkiga ee Soomaaliya jooga iyo inay loogu talogalay ciidamada dowladda Federaalka.

Intii markabku ku sugnaa Xeebaha degaanka Bareeda ayey ciidamada Puntland iyo maamulka degaankaasi kala degeen qeyb ka mida Hubkii fududaa, iyagoo Doonyo ku qaaday oo geeyay xarun ku taalla degmada Caluula.

Maleeshiyaadka degaanka oo ka war helay Hubka lagala degay Markabka ayaa weeraray xaruntii lagu keydiyay hubkaasi, waxaana la sheegay inay la wareegeen oo hubkii u gacan galay dadka degaanka.

Madaxweynaha Puntland ayaa la sheegay inuu dalbaday in Markabka loo soo wareejiyo dekadda Boosaaso, iyagoo halkaas la filayo in lagu soo bandhigo.

Hubka saaran ayaa waxaa ka mida 12 Beebe, Qoryaha boobayaasha culus iyo Saanad kala duwan, iyadoo aysan weli cidna sheegan Hubkan.

Wasiirka Gaashaandhigga Dowladda Federaalka Soomaaliya ayaa ka gaabsaday arrinta markabka hubka sida ee ciidamada Puntland qabteen.

WARARKII KALE

Dhageeyso Warka Habeenimo ee Radiojowhar 30/08/2025

Dhageeyso Warka Habeenimo ee Radiojowhar Warka Waxa Akhrinaya Wariye...

RW Xamsa muxuu ka yiri doorashada maanta ka dhacday Waqooyi Bari?

Ra’iisul Wasaaraha Xukuumadda Federaalka Soomaaliya, Xamsa Cabdi Barre, ayaa...

MW Xasan Sheekh oo hambalyo u diray Madaxweynaha iyo ku xigeenkiisa loo doortay Waqooyi Bari

Madaxweynaha dowladda Federaalka Soomaaliya Xasan Sheekh Maxamuud ayaa hambalyo...

70 qof oo tahriibayaal ahaa oo badda ku dhintay

Ugu yaraan 70 qof ayaa ku dhintay badda kadib...

C/rashiid Yuusuf Jibriil oo loo doortay Madaxweyne Ku-xigeenka Waqooyi-Bari Soomaaliya

Doorashada ka socotay magaalada Laascaanood ee xarunta maamulka cusub...

Firdhiye oo loo doortay Madaxweynaha Waqooyi-Bari Soomaaliyav

Cabdiqaadir Axmed Aw-Cali (Firdhiye) ayaa si rasmi ah loogu...

NAGU SOO BIIR

16,000FansLike
523FollowersFollow
352SubscribersSubscribe

Latest Articles