Agaasimihii hore ee hey’adda nabad sugidda iyo sirdoonka Soomaaliya Fahad Yaasiin Xaaji Daahir ayaa digniin u diray madaxweynaha Soomaaliya Xasan Sheekh Maxamuud, isagoo ku tilmamay inuusan cashar ka baran dhibaatada ay leedahay beegsiga siyaasiyiinta ka aragtida duwan.
Fahad ayaa sheegay inuu madaxweyne Xasan weligii ahaa hoggaamiye beegsada siyaasiyiinta dowladda dhaliilsan ama mucaaradka ah, waxaana uu intaas ku daray inuu muddo xileedkiisii hore uu ku kacay falal lagu beegsaday siyaasiyiin sida uu hadalka u dhigay.
Qoraal uu soo dhigay bartiisa Facebook ayuu tusaale ahaan u soo qaatay weerarkii lagu dilay ilaalo madax hore, kaas oo dhacay saldhigga degmada Warta nabadda ee magaalada Muqdisho, waxaana uu aad ugu dhaliilay adaxweyne Xasan inuu ilowsan yahay falalka uu sameeyay ee uu kula kacay dadka ka aragtida duwan.
