Maleeshiyaadka Al-shabaab ayaa qarax miino la beegsaday gaari ay saarnaayeen dad shacabka, kaasi oo marayay duleedka Geel-gub ee gobolka shabeelada dhexe.
5 qof ayaa ku geeriyootay qarax miino oo lala eegtay gaari hoomey oo shacab ay saarnaayeen, waxayna ku safrayeen inta u dhaxeyso deegaanada Geel-gub iyo Xaaji Cali.
Dadka dhintay waxa ku jiray 2-haween oo isla dhashay iyo cunug yar oo 2-sanno iyo bar jiray? Sida xaqiijiyeen dadka deegaanka.
Dadkan ayaa la sheegay in ay ka soo ambabaxeen deegaanka Burdacaar, waxayna ku soo jeedeen magaalada Muqdisho.
Wararka ayaa intaasi ku daraya in maleeshiyaadka Al-shabaab ay diideen in la qaado meydadka dadka shacabka ah, halka dadka qaar ay u dhinteen dhiig-bax.
