Wakaaladda wararka ee Tasnim ayaa ilo ku dhow dowladda Iran kasoo xigatay in wafdiga wadahadallada Iiraan ay ku hanjabeen inay hakiyaan is-dhaafsiga farriimaha iyo warqadaha ay la leeyihiin Maraykanka, haddii aan la joojin dagaalka sii xoogeysanaya ee Israa’iil ku qaaday Lubnaan.
Wafdiga ayaa sheegay in heshiiskii xabbad-joojinta iyo is-fahamka ee u dhexeeyay Iiraan iyo Maraykanka uu ka koobnaa in la yareeyo xiisadaha gobolka, isla markaana la joojiyo dhammaan dagaallada la xiriira colaadaha gobolka, oo ay ku jirto tan Lubnaan.
Sidoo kale, Iiraan ayaa ku hanjabtay inay qaadi karto tallaabooyin adag, oo ay ka mid tahay in ay xaddiddo ama xirto marinka istiraatiijiga ah ee Marinka Hormuz, haddii aan la joojin weerarrada iyo dagaalka sii xoogeysanaya ee ka socda Lubnaan.
Wararkan ayaa imanaya xilli ay sare u kacayaan xiisadaha gobolka gaar ahaan dagaalka xoogan ee Israa’iil ku qaadayso Caasimadda Lubnana ee Beyrut, isla markaana ay socdaan dadaallo diblomaasiyadeed oo lagu doonayo in lagu xakameeyo colaadaha Bariga Dhexe.
