Ciidamada Israel ayaa u sheegay Falastiiniyiinta in ay ka guuraan bariga xaafadaha Khan Yunis ee koonfurta Gaza kaddibna ay aadaan dhinaca Al-Mawasi. Waxay isu diyaarinayaan ciidanka in ay qaadaan wax ay ku tilmaameen weerarkii ugu weynaa iyagoo ka jawaabaya dhaqdhaqaaqyada ciidan ee goobtaas laga fuliyay.
Hadal ay soo saareen ciidamada ayey ku sheegeen in gantaallo laga soo riday halkaas ay ku dhaceen Israel. Goobtaas waxay ka mid tahay meelaha bani’aadannimada ee Israel sheegtay in ay rayidka tagaan.
Arintan ayaa ku soo aaday sida Israel ay sheegtay markii ay heleen xog ku saabsan in Xamaas ay kaabayaal ka sameysatay goobtaas. Sidoo kale Israel waxay sheegtay in ay Xamaas ay shacabka ku dhex dhuumanayaan.
Wakaaladda wararka Falastiin, WAFA, ayaa sheegtay in isla markii ay ciidamada soo saareen digniinta ay bilaabeen duqeyn xoog leh, mana siin waqti ay rayidka isugu diyaariyaan in ay baxaan taasna waxay keentay dhimashada ugu yaraan 27 qof iyo dhaawac badan.
