Maamulka Koofur Galbeed ayaa soo rogtay amaro dheeraad ah oo lagu xanibay saraakiisha amniga in ay u socdaalan Muqdisho, iyagoo aan haysan ogolaansho maamul.
Warqad kasoo baxday Wasaarada Amniga ee maamulka Koonfur galbeed ayaa lagu amray in laga bilaabo maanta aysan Baydhabo uga bixi karin wax safar ah ilaa amar dambe inta laguguda jiro howlo Amniga lagu xaqiijinayo sida ay sheegtay wasaaradu.
Dhanka kale Maamulka Koofur Galbeed ayaa isbitaallada ka mamnuucay in ay daaweeyaan qof dhaawac ah iyada oo aan fasax laga helin maamulka, sidoo kalena waxa la xannibay socdaalka saraakiisha.
Talaabadan ayay Koonfur Galbeed kusifeysay in ay socdaan howlgalo amniga lagu xaqiijinayo, maalmo kahor sida aan tabinay DFS ayaa doonaysa in saraakiisha heer Federaal ee deeganadan kusugan in ay soo galaan Muqdisho.
Xariirka Laftagareen iyo Villa Somalia ayaa hadda dhaawacmay, iyadoo ay dawladdu doonayso in ay xakamayso gacan kuhaynya deegaanadan, balse madaxweynaha KG ayaa saacadaha soo socda kuwajahan Baydhabo, isagoo soo gaabshay safar Cumra oo uu ku tagay Makka.
Arrintan waxay timid xilli khilaaf siyaasadeed oo u dhexeeya Dowladda Federaalka iyo KGS uu ka taagan yahay nooca doorashada.
Madaxweyne Laftagareen wuxuu wataa doorasho dadban, halka DFS ay rabto doorasho toos ah.
Labada dhinac ayaa ciidamo iyo abaabul siyaasadeed ka wada deegaannada, iyadoo laga cabsi qabo in khilaafku sii xoogeysto.
