Maanta oo Sabti ah, waxaa baaqday kulankii caadiga ahaa ee Golaha Shacabka ee Baarlamaanka Federaalka Soomaaliya.
Wararka ayaa sheegaya in sababta ugu weyn ee keentay baaqashada kulankaasi ay tahay cabsi laga qabo mooshin laga keeno qaar ka mid ah madaxda sare ee dalka, waxaana arrintan abuurtey walaac iyo dareen siyaasadeed oo horseeday in kulanka maanta aan la qaban.
Dhinaca kale, waxaa la filayaa in todobaadkan uu noqdo kii ugu dambeeyay ee fadhiyada Golaha Shacabka, maadaama ay foodda nagu soo hayso munaasabadda Ciidul Adxaa oo maalmo kooban ay naga xigaan. Sidaas darteed, fadhiyada rasmiga ah ayaa lagu wado in la joojiyo si xildhibaanadu ugu baxaan fasaxa ciidda.
Arrintan ayaa imaneysa iyadoo khilaafaad siyaasadeed oo hoose uu dhexeeyo guddoonka iyo xildhibaanada iyo madaxda Sare ee dowaldda, waxaana loo arkaa in mooshinku noqon karo mid saamayn ku yeesha xasiloonida hay’adaha dowladda, hadii uu si rasmi ah u dhacdo.
