Doorasho ka dhacday magaalada Baydhabo oo ay sameeyeen maamulka Koonfur Galbeed, ayaa mar kale loogu doortay Cabdicasiis Laftagreen inuu noqdo madaxweynaha Maamulkaasi.
Khudbad uu jeediyay ayuu kula hadlay Madaxweyne Xasan Sheekh: ”Madaxweynoow lacag aan bixiyay dad Soomaaliyeed ha uleyn, lacagta aad leedahay doorashadaan ku bixiyay, adigu maadan lahayn markii lagu dooranayay hal shilin maadan wadanin,” ayuu yiri.
“Xassan Sheikh lacagta aad sheegayso adiga ma lihid, maalintii lagu doortay shiling ma aadan haysan, Soomaali baa lahayd, Isku day baad sameysay doorasho waadse la daahday, Lacagta aad noo dilayso cadadkeeda sheeg Soomaali baa naga bixinaysee, Anaga Jubbaland hal mid ayaan nahay hal doorasho ayaana qabsanay midna waa diidi midna waa ka dagaalami ma aqaan caqligaas” MW Koonfur Galbeed.
“Madaxweynow miyirso Rati Layli ah maahid, nin weyn baad tahay Soomaali u tur, waxaad qaxisho, waxaad handado, waxaad baado haka dhigin”
Dowladda Federaalka Soomaaliya oo maamulka Koofur Galbeed ay muddooyinkii dambe xurguf dhex taallay ayaan ansixin doorashadan.
