Ciidanka Kumaandooska Danab ee ka tirsan Ciidanka Xoogga Dalka Soomaaliyeed (XDS) ayaa xalay fuliyay howlgal qorsheysan oo ka dhacay deegaanka Bariire ee gobolka Shabeellaha Hoose.
Howlgalkan oo si xeel dheer loo abaabulay ayaa lagu dilay 7 xubnood oo ka tirsan kooxda Al-Shabaab, kuwaas oo ku sugnaa goobo ay si dhuumaaleysi ah uga howlgali jireen.
Waxaa dadka la dilay ka mid ahaa madaxii miinooyinka ee Khawaarijta u qaabilsanaa gobolka Shabeellaha Hoose, taasoo ah guul muhiim ah oo dhanka la-dagaallanka argagixisada ah.
Sidoo kale, howlgalka ayaa lagu burburiyay xarumo iyo godad ay kooxda Khawaarijta ku dhuumanayeen, kuwaas oo muhiim u ahaa qorshayaashooda qaraxyo iyo weerarro ka dhan ah shacabka iyo ciidamada qaranka.
